Wolverhampton Wanderers ka befasuar Manchester Unitedin duke e eliminuar nga çerekfinalja e FA Cup pasi arritën fitore me rezultat 2-1 në stadiumin Molineux.
Djajtë e Kuq mbajtën topin më shumë, por dështuan të jenë konkretë para portës kundërshtare.
Rastin më të mirë në pjesën e parë e kishin vendasit, të cilët rrezikuan me anë të Diogo Jotas (43'), por Sergio Romero bëri një pritje të mirë dhe skuadrat shkuan në pushim me rezultat 0-0.
Wolves e filloi mirë pjesën e dytë dhe pas disa rasteve arrin dhe golin me anë të Raul Jimenez (70'), ndërsa pas gjashtë minutash shënoi edhe Jota.
Në minutat e mbetur Djajtë e Kuq tentuan golin, por atë e arrin vetëm vetëm në minutën e fundit të ndeshjes nëpërmjet Marcus Rashford, që në fund vlejti vetëm për statistika.
Kundërshtari i Wolverhamptonit në gjysmëfinale do të mësohet pas shorit, ndërsa për fazën tjetër janë kualifikuar edhe Man City e Watforidi.
Çerekfinalja e mbetur është ajo mes Millwall-Brightonit. /Telegrafi/