Vazhdon 'fundosja' e Arsenalit - Tottenhami fiton me golat e Son e Kanes në derbin londinez

Tottenhami ka fituar 2-0 përballë Arsenalit në kuadër të javës së 11-të në Ligën Premier.

Pas 13-të minutash lojë, Son Heung-Ming shënoi golin e epërsisë me një asistim të bukur nga Harry Kane.

Spurs vazhduan me ritëm të lartë të lojës, duke e futur Arsenalin në presion edhe më të lartë.

Kur po përfundonte pjesa e parë, Son e Kane ndryshuan rolet në minutën e 45+1, për të shënuar për 2-0.

Në pjesën e dytë, Arsenali ishte një tjetër skuadër, dhe nuk lejoi që Spurs të zhvillonte lojën e tyre.

Bernd Leno ishte pothuajse i papunë në 45 minutat e dytë, mirëpo sulmi i The Gunners shpërdoroi shumë raste.

Pas javës së 11-të, Spurs janë rikthyer në vendin e parë me 24 pikë, derisa arsenali është në të 15-in me 13 sosh.

Në xhiron e 12-të, Tottehami takohet me Crystal Palacen, derisa Topçinjtë do kenë punë me Burnleyn. /Telegrafi/