Vazhdojnë protestat në Bjellorusi, raportohet për 135 të arrestuar

Dhjetëra mijëra qytetarë vërshuan sërish në kryeqytetin bjellorus, për të protestuar kundër rezultatit të zgjedhjeve presidenciale.

Sipas medieve të huaja, përcjell Telegrafi, të njëjtit kërkojnë dorëheqjen e presidentit aktual, Alexandar Lukashenko, i cili ka udhëhequr pothuajse 26 vite në vend.

Policia rrethoi Sheshin e Pavarësisë në Minsk, ndërkaq bëhet e ditur se rreth 125 persona janë arrestuar deri më tani.

“Turp” dhe “largohu”, ishin ndër fjalët që u dëgjuan nga demonstruesit e së dielës në Bjellorusi, derisa u bllokuan nga policia.

Vendi është bërë peng i protestave të shumta që prej rezultatit të zgjedhjeve presidenciale të 9 gushtit, ku Lukashenko fitoi bindshëm. /Telegrafi/