Brooke Hogan, vajza e legjendarit Hulk Hogan, ka folur publikisht pasi zbuloi se nuk është përfshirë në testamentin e babait të saj, i cili vdiq në maj 2025.
Trashëgimia me vlerë rreth 5 milionë dollarë i është lënë vetëm djalit të tij, Nick Hogan, ndërsa Brooke nuk ka marrë asnjë pjesë.
Në një intervistë për TMZ, Brooke deklaroi se nuk ishte e befasuar nga vendimi i babait të saj dhe e pranoi me qetësi, duke theksuar pavarësinë e saj financiare.
“Vendimi i tij nuk më habiti. Është diçka që e kam kërkuar dhe e mbështes pa asnjë keqardhje. Babai im e di që jam punëtore e palodhur dhe se kam mbijetuar pa paratë e tij për një kohë të gjatë”.
Brooke u bë e famshme për publikun nëpërmjet serialeve “Hogan Knows Best” dhe “Brooke Knows Best”, të cilat tregonin jetën e familjes Hogan.
Megjithatë, gjatë dekadës së fundit, marrëdhënia e saj me babanë është bërë më e distancuar, pjesërisht për shkak të polemikave në të cilat Hogan është përfshirë.
Pavarësisht kësaj, Brooke ka ndërtuar një jetë të pavarur.
Deklarata e Brooke duket të tregojë pjekurinë dhe vetëdijen për pavarësinë e saj, duke lënë të kuptohet se marrëdhënia me babanë nuk e ndalon të ndërtojë jetën dhe karrierën e saj sipas rrugës që dëshiron. /Telegrafi/