Një dilemë e zakonshme është se si të përdorni më mirë kondicionerët që çlirojnë nxehtësinë, si presa, figaro dhe tharëset pa i dëmtuar flokët?
Mjedisi dhe moti i ndryshueshëm mund të prishin pa dyshim pamjen e xhufkave, por asgjë nuk i dëmton flokët aq sa përdorimi i përsëritur i nxehtësisë.
Megjithatë, ekspertët e kujdesit të flokëve theksojnë se vaji i arganit mund të jetë pikërisht ai që na nevojitet për të ruajtur shëndetin e flokëve, pavarësisht stilimit termik, transmeton Telegrafi.
Çfarë është vaji i arganit?
Vaji i arganit është me origjinë nga Maroku dhe historia se si është bërë është mjaft interesante. Vaji nxirret nga fruta e pemës së arganit. Brenda frutës ka kokrra në formë bajamesh që duhet të ndahen.
Nëse ndjeni një erë të mprehtë të flokëve që "digjen" nën presë ose figuro, kjo është një shenjë se po dëmtoni folikulat e flokëve. Këtë duhet ta shmangim atë, dhe këtu hyn vaji i arganit.
Kur ngrohni flokët tuaj, temperatura shumë e lartë shkakton dëme dhe djegie në flokët tuaj, kështu që një truk është të mbroni flokët me vaj argani. Vaji i arganit ka një pikë të lartë djegieje, kështu që do të mbrojë edhe flokët tuaj, shkruan The List.
Aplikimi i vajit të arganit mund të ndihmojë në mbajtjen e lagësht të folikulave të flokëve. Folikulat e ushqyer mirë jo vetëm që janë më elastike, por gjithashtu reagojnë më mirë ndaj faktorëve të ashpër si nxehtësia, moti dhe ndikimet mjedisore. /Telegrafi/