U rikthye në fushë pas pesë muajve, Neymar bën njërën nga paraqitjet më të mira në karrierë me dy gola të mrekullueshëm dhe një asistim

Neymar është shndërruar në një ikonë të gjigantit francez Paris Saint Germain, pasi do të filloj sezonin e shtatë në Parc de Princes.

Por gjiganti francez e ndjeu jashtëzakonisht shumë mungesën e brazilianit sezonin e kaluar.

Neymar u lëndua më 19 shkurt ndaj Lille dhe që ajo kohë kanë kaluar pesë muaj kur ai nuk ka luajtur futboll.

Braziliani është rikthyer në fushë duke e nisur ndeshjen miqësore ndaj koreanëve të Jeonbuk nga minuta e parë dhe ka dhuruar një shfaqje spektakolare.

31-vjeçari ka bërë njërën nga ndeshjet e tij më të mira në karrierë, duke realizuar dy gola spektakolar dhe duke asistuar në një tjetër.

Sigurisht që forma e mirë dhe shkëlqimi në këtë ndeshje i Neymar e ka gëzuar tej mase edhe trajneri Luis Enrique që pas largimit të Messit dhe dyshimit nëse Mbappe do të qëndrojë do të llogaritë në shërbimet e brazilianit. /Telegrafi/