Kombëtarja e Republikës së Çekisë ka mbajtur konferencën për media para ndeshjes me Kosovën në stadiumin “Fadil Vokrri” në Prishtinë.
Trajneri i Çekisë, Jaroslav Silhavy dhe kapiteni është paraqitur në konferencë për media.
Ai u pyet për atmosferën e zjarrtë që krijohet në “Fadil Vokrri”.
“Për ne është me rëndësi të luajmë dhe të fitojmë. Edhe bullgarët kanë luajtur këtu dhe asgjë nuk ka ndodhur. Ne presim ndeshje të mirë nga ana jonë”, ka thënë para gazetarëve, përzgjedhësi Jaroslav Silhavy.
Ai ndër të tjera tha se do ta respektojë në maksimum Kosovën, shkruan Gazetasheshi.com.
“Do ta respektojmë Kosovën e cila ka mungesa, por e ka një Zhegrova me plot energji. Ata dalin shpejt nga mbrojtja në sulm. Kam thënë se pas Anglisë, të gjitha Kombëtaret janë të përafërta në grupin tonë. Ne duhet të bazohemi në lojë tonë”, theksoi Jaroslav Silhavy.