Trajnerët e 2 Korrikut në Ajax
26/12/2013
Siç dihet, 2 Korriku e ka filluar fazën e parë të bashkëpunimit me gjigantin holandez, Ajaxin. Kampioni i shumëfishtë holandez ua ka hapur dyert trajnerëve të klubit kosovar për të marrë mësim nga trajnerët profesionist të tij. Gazeta Arena ka mësuar se tetë trajnerë të 2 Korrikut më 16 janar do të udhëtojnë drejt Amsterdamit për ta ndjekë një trajnim në ‘Amsterdam Arena’.
“Tetë trajnerë të 2 Korrikut, të prirë nga Arsim Thaçi, prej 16 deri më 21 janar do të trajnohen në Amsterdam nga trajnerët më të mirë të Ajaxit”, tha një burim i gazetës. /Tribuna/Telegrafi/