Tifozi i Barcës shkon ta shikojë prezantimin e Hazardit te Reali, detyrohet ta zhvesh fanellën e katalunasve

Real Madridi duket se do të jetë skuadra që ka shpenzuar më së shumti para në afatin kalimtar të verës.

Madrilenët deri më tani kanë sjell në radhët e veta disa lojtarë, duke përfshirë gjatë ditës së djeshme të Eden Hazardit.

Në stadiumin Santiago Bernabeu ishin prezent mbi 50 mijë fansa, të cilët kanë përcjell paraqitjen e belgut në fanellën e Los Blancos.

Por, mbretërit patën edhe një tifozë të veçantë në shkallët të stadiumit, e cila gjë ndodh për herë të parë.

Një tifoz me fanellë të Barcelonës erdhi në stadium për ta përcjell ngjarjen derisa u detyrua ta heq fanellën dhe mori vërshëllime.

Ndryshe, belgu pritet që ta mbajë fanellën me numër 7 te skuadra spanjolle. /Telegrafi/