12/04/2019
Këndojnë shpesh së bashku, por më të njohurat ndër to janë vetëm dy.
Këngëtaret e njohura të muzikës popullore me prejardhje nga Mushtishti, Motrat Mustafa, kanë prezantuar për publikun projektin e tyre më të ri muzikor.
Kësaj here ato vijnë për herë të parë tetë motrat brenda klipit, ndërsa në video kanë përfshirë edhe të ëmën e tyre.
Ky klip, i cili u diskutua shumë në media si një koncept "i vjedhur" nga këngëtarja tjetër e njohur e muzikës popullore, Shyhrete Behluli, tashmë është një temë e mbyllur për të dyja palët.
Muzika dhe teksti janë realizuar nga Ilir Berani, teksa klipi i është besuar produksionit EMF Creative. /Telegrafi/