Telekomi i Maqedonisë ka sjellë një vendim lidhur me keqpërdorimin e të dhënave të përdoruesve që ndryshe quhet edhe si ''Cambridge Analytica'' ku janë keqpërdorë informacionet e përdoruesve të Facebook për fushatën e zgjedhjeve presidenciale të SHBA-ve, ku fitues doli Donald Trump, shkruan Telegrafi Maqedoni.
''Telekomi i Maqedonisë kujdeset për privatësinë dhe për informatat e përdoruesve. Lidhur me ngjarjet në Facebook, kompania jonë do të ndalojë të gjithë aktivitetet në këtë rrjet social, për këtë javë'' ka qenë postimi i mbrëmshëm.
Përndryshe, ''Cambridge Analytica'' si skandal shtrihet edhe në Maqedoni, pasi në organogramin e punës përfshihen edhe persona nga Maqedonia, Edmond Ademi, ministër në Maqedoni dhe Nikolla Spasov, drejtor i organizatës Rejting./Telegrafi/
