Të shtëna me armë në një universitet në Pensilvani, një person i vrarë dhe gjashtë të plagosur

Të paktën një person u vra dhe gjashtë të tjerë u plagosën nga të shtënat me armë zjarri në Universitetin Lincoln të Pensilvanisë të shtunën në mbrëmje.

Një total prej shtatë personash u qëlluan me armë zjarri, pasi të shtënat u dëgjuan pranë Qendrës Ndërkombëtare Kulturore të shkollës, ku turmat e Homecoming po festonin pas ndeshjes së futbollit të asaj pasditeje, thanë autoritetet në një konferencë për shtyp të dielën në mëngjes, transmeton Telegrafi.

"Kjo festë u ndërpre dhe u shkatërrua nga të shtënat me armë zjarri. Ishte një skenë kaotike dhe njerëzit ikën në çdo drejtim", tha Prokurori i Qarkut të Chester, Christopher de Barrena-Sarobe.

Zyrtarët nuk dhanë detaje mbi gjendjen e gjashtë të plagosurve. Viktima të shumta me armë zjarri u dërguan në spitale në Delaware aty pranë, thanë autoritetet për CNN më parë.

Disa të tjerë u trajtuan në vendngjarje pasi u rrëzuan në tokë dhe u shkelën ndërsa njerëzit vraponin për t'u fshehur, tha de Barrena-Sarobe.

Një motiv në të shtënat ende nuk është përcaktuar, por de Barrena-Sarobe tha se nuk duket të jetë një rast "ku dikush erdhi me qëllimin për të shkaktuar dëme masive në një kampus kolegji".

Një person që mbante armë është ndaluar, tha prokurori i distriktit, duke vënë në dukje se hetuesit ende po mbledhin informacione.

"Nuk kemi shumë përgjigje rreth asaj që ndodhi saktësisht", tha ai, duke vënë në dukje se është e mundur që të ketë pasur disa persona që qëllojnë.

Zbatuesit e ligjit lokal, shtetëror dhe federal po hetojnë, tha zyra e prokurorit të distriktit në një deklaratë, duke i kërkuar kujtdo që ka dijeni për të shtënat të kontaktojë FBI-në.

Universiteti Lincoln ndodhet rreth 55 milje në perëndim të Filadelfias. Faqja e internetit e shkollës thotë se është "Kolegji dhe Universiteti i parë historikisht i personave me ngjyrë në vend që jep diploma". /Telegrafi/

- YouTubewww.youtube.com