Super forma në të cilën po kalon Karim Benzema e vërteton ‘goli magjik’ në stërvitje te Real Madridi

Karim Benzema ka prodhuar një gol magjik në stërvitje te Real Madridi.

Los Blancos janë duke u përgatitur për sfidën kundër Athletic Bilbaos në Superkupën e Spanjës.

Mbretërit dhe Bilbao do të takohen të enjten mbrëma (nesër) nga ora 21:00, në kuadër të gjysmëfinales.

Derisa lojtarët po zhvillonin një ndeshje praktikuese në stërvitje, Benzema ka shënuar një gol magjik te madrilenët.

Alvaro Odriozola ishte viktima e francezit, pasi ky i fundit fillimisht stopoi topin me stil, për të zënë në befasi bashkëlojtarin.

Francezi shënoi me lehtësi, e forma e tij po vazhdon të jetë e lartë me tetë gola dhe pesë asistime deri më tani në La Liga. /Telegrafi/