Sulmohet seksualisht një e mitur në Prizren
09/08/2022
Një femër (e mitur, shtetase e Republikës së Shqipërisë) ka raportuar se është sulmuar seksualisht nga një person tjetër.
Në raportin 24 orësh të Policisë së Kosovës, bëhet e ditur se ngjarja ka ndodhur të dielën rreth orës 19:30 në rrugën “Rexhep Kabashi”, në Prizren.
Tutje bëhet e ditur se palët janë intervistuar dhe me vendim të prokurorit i dyshuari është arrestuar dhe është dërguar në mbajtje.
“Viktima femër shqiptare, e mitur shtetase e R. Shqipërisë, ka raportuar se është sulmuar seksualisht nga i dyshuari mashkull kosovar. Palët janë intervistuar dhe me vendim të prokurorit, i dyshuari është arrestuar dhe është dërguar në mbajtje”, thuhet në raport. /Telegrafi/