Siguria i kthehet normalitetit në Kosovë

Policia e Kosovës i ka dhënë fund shtimit të masave të sigurisë, që është bërë në ditët e fundit në vend.

Burime të Klan Kosova marrin vesh se plani i forcave të rendit që ishte bërë gjatë festës së Pashkëve për siguri më të madhe te objektet fetare, patrullime më të shpeshta, shtimi i orëve të punës dhe heqja e ditëve të pushimit për zyrtarët policorë, tashmë i është kthyer normalitetit.

Shtimi i masave të sigurisë në Kosovë ishte bërë pas paralajmërimeve se mund të kishte sulme terroriste. /Klan Kosova/