Si ndryshon gjithçka në futboll brenda tre minutash, VAR vendimtar: Shënoi gol dhe iu anulua, pastaj shkaktoi penallti
Gjermania dhe Danimarka kanë mbyllur pjesën e parë pa gola, por me një ndërprerje prej 20 minutash shkaku i motit të keq, ndërsa pjesa e dytë nisi furishëm.
Zhvillohej minuta e 48-të, ku Joachim Andersen i Danimarkës arriti të shënojë pas një tollovie në zonë për 1-0.
Por pasi rasti u rishikua në VAR për tre minuta, goli u anulua pas një pozite jashtë loje të mbrojtësit gjatë aksionit.
Në minutën e 51-të, pas një harkimi në zonë, Andersen preku topin me dorë, por aksioni vazhdoi.
Gjyqtari Mark Oliver, u ftua nga VAR pasi me anë të teknologjisë në top u dëgjua prekja me dorë e danezit e ku gjyqtari vendosi për penallti.
Joachim Andersen had a goal disallowed by VAR for offside and conceded a penalty via handball within the space of five minutes 😬 pic.twitter.com/sQZKYArYOi
— ESPN UK (@ESPNUK) June 29, 2024
Kai Havertz ishte i saktë nga pika e bardhë për të shënuar për 1-0.
Një ndeshje e bukur ku gjithçka po ndryshon brenda pak sekondash. /Telegrafi/