Shpërthim në Fushë-Bulqizë
10/07/2017
Një shpërthim ka ndodhur në orët e para të mëngjesit të sotëm në Fushë-Bulqizë, në automjetin e një shtetasi që punon si administrator i një galerie kromi.
Ngjarja ka ndodhur rreth orës 3:40. Menjëherë në vendngjarje kanë shkuar shërbimet e policisë, që konstatuan se në pjesën e pasme të automjetit të tij ishte vendosur lëndë plasëse, e cila kishte shpërthyer.
Nga shpërthimi nuk pati persona të lënduar, vetëm dëme materiale. Grupi hetimor po vijon punën për zbardhjen e rrethanave të ngjarjes dhe identifikimin e kapjen e autorëve./Telegrafi/