Humbja në Londër nga Ajaxi ka bërë që Tottenham Hotspur të ketë gjasa të vogla për të siguruar pjesëmarrjen në finale të Ligës së Kampionëve e jo më ta fitojë atë.
Spursat pësuan me rezultat 0-1 në ndeshjen e parë gjysmëfinale, ndërsa sonte (e mërkurë) luajnë kundër skuadrës holandeze në Amsterdam.
Kreu i analizave sportive Gracenote, Simon Gleave, ka thënë se Tottenham Hotspur e ka humbur ndeshjen e parë në shtëpi (0-1), por nuk mund të konsiderohet i përjashtuar nga Liga e Kampionëve.
"Shansi që Spursat të kualifikohen në finalen e Ligës së Kampionëve në Madrid janë zvogëluar në rreth 29 për qind, sipas indeksit Euro Club".
"Gjasat e Tottenhamit që ta fitojë Ligën e Kampionëve këtë sezon janë zvogëluar në rreh pesë për qind, por këto shanse janë ngritur në raport me përqindjen që e ka pasur klubi gjatë gjithë sezonit në këtë garë - para fazës gjysmëfinale", ka thënë ai. /Telegrafi/