Sergio Ramos, i lirë pas largimit nga Rayados de Monterrey, i ka ofruar Sevillas shërbimet e tij për të ndihmuar klubin në luftën për të shmangur rënien nga La Liga.
Sevilla po kalon një nga momentet më të vështira të viteve të fundit, dhe me afatin kalimtar të janarit tashmë të mbyllur, opsionet për përforcime janë të kufizuara.
Situata në renditje është alarmante dhe klubi kërkon zgjidhje të menjëhershme për të stabilizuar skuadrën.
Ramos e kupton rëndësinë e situatës dhe është i gatshëm të rikthehet për të sjellë përvojë, autoritet dhe përkushtim.
Në moshën 39-vjeçare, performanca e tij më e mirë ka kaluar, por lidershipi dhe mentaliteti fitues mbeten të paprekura.
Për tifozët, një rikthim i Ramosit do të ishte emocionues, duke shënuar etapën e tij të tretë te Sevilla.
Jo vetëm për performancën në fushë, por edhe për karakterin dhe përvojën që mund të sjellë në dhomën e zhveshjes.
Në një sezon ku çdo pikë është vendimtare, prania e tij mund të jetë një pikë kthese për mbijetesën e klubit.
Tani vendimi i takon klubit, nëse Sevilla do të pranojë ofertën e Ramosit, rikthimi i tij jo vetëm që do të jetë një nga lëvizjet më të bujshme të sezonit, por edhe një shenjë përkushtimi dhe një shpresë për të shpëtuar nga rënia.
Me pak hapësirë për gabime dhe pa mundësi për transferime të reja, një lider si Ramos mund të bëjë diferencën. /Telegrafi/