Të shtunën mbrëma, Fede Valverde fitoi titullin e tij të dytë të Kupës së Botës për Klube për t'i shtuar asaj që është një listë spektakolare e arritjeve në moshën 24-vjeçare.
Mesfushori i Real Madridit ka dy tituj të La Liga, dy Superkupa të Spanjës, një Ligë të Kampionëve, një Superkupë UEFA dhe dy Kupat e Botës për Klube të lartpërmendura.
E shtuna ishte rilindja e këtij lojtari që po cilësohet si kapiteni i ardhshëm i Real Madridit, pasi shënoi dy gola dhe fitoi Topin e Argjendtë të Botërorit.
Tre golat që shënoi në këtë turne treguan se Valverde është rikthyer në maksimumin e tij dhe tashmë ka arritur objektivin e 10 golave të vendosur për të nga Carlo Ancelotti.
Ky sukses vjen pas një janari të vështirë, në të cilin ai nuk po luante më së miri për disa arsye.
Kupa e tij e parë e Botës me Uruguain kishte lënë gjurmë tek ai, por, mbi të gjitha, një problem i përjetuar në shtëpi, i zbuluar nga partnerja e tij, Mina Bonino, ndryshoi besueshmërinë e tij të zakonshme.
Është e vështirë të shohësh një lojtar elitar që buzëqesh më shumë se kushdo që duket kaq i jashtëzakonshëm. Ai është mirënjohës për gjithçka, pavarësisht se muajin e kaluar Bonino pati disa probleme me shtatzëninë, të cilat, për fat, duket se janë zgjidhur.
Valverde, Bonino, mamaja e saj Doris dhe e gjithë familja e kanë pasur të vështirë, kryesisht për shkak të atij problemi shëndetësor, por edhe për shkak të komenteve të shumta që po hidheshin ndaj Valverdes në rrjetet sociale për performancat e tij.
Pra, rikthimi i Valverdes në formë në finale nuk është rastësi dhe situata ka qenë e rënduar shumë mbi të dhe familjen e tij. /Telegrafi/