Arnold Schwarzenegger është një model për fansat në të gjithë botën, prandaj kushdo e ëndërron një fotografi me të.
Fansat do ta kenë mundësinë të fotografohen me të më 17 shtator në Gjermani, por duhet të kenë para me vete, duke qenë se një fotografi me të kushton 499 euro.
72-vjecari do të jetë i ftuar në teatrin e Berlinit si pjesë e turneut “CHAMPION”, transmeton KP. Ai do të flasë publikisht për jetën e tij, së bashku me ulje-ngritjet që ka përjetuar gjatë karrierës.
Biletat kushtojnë nga 49 deri në 199 euro. Por, në këtë ngjarje është rreptësisht i ndaluar telefoni.
Sipas Bild, secili fans që do të dojë një fotografi me Arnold, duhet të paguajë 499 euro. Nëse pozojnë dy persona me Arnold, atëherë përfitojnë një ulje dhe paguajnë 799 euro.
Diçka të ngjashme kishte bërë edhe Sylvester Stallone gjatë udhëtimit në Mbretërinë e Bashkuar, ku fansat duhej të paguanin 950 euro për t'u fotografuar me të.