Shkarkimi i Massimiliano Allegrit dhe stafit të tij do t’i kushtonte Juventusit plot 43 milionë euro, mirëpo klubi vendosi ta mbajë trajnerin.
Zonja e Vjetër përfundoi një tjetër sezon pa trofe dhe për më shumë nuk do të luajë as në Ligën e Kampionëve në edicionin e ardhshëm.
Spekulimet për të ardhmen e Allegrit kanë filluar tash e një kohë, mirëpo në një prononcim për Sky Sport, drejtori i përgjithshëm, Maurizio Scanavino, ka konfirmuar qëndrimin e strategut italian.
Në një publikim të Il Corriere dello Sport thuhet se në rast se klubi do të vendoste për shkarkimin e trajnerit aktual, kjo do t’i kushtonte 43 milionë euro.
Allegri ka edhe dy vite në kontratën e tij në Allianz Stadium, nga e cila përfiton shtatë milionë euro në sezon plus shtesat. /Telegrafi/