Houston Rockets ka marrë fitoren e parë në ndeshjet gjysmëfinale ndaj Golden State Warriors.
Skuadra nga Teksasi ka triumfuar para adhuruesve të vet me pesë pikë epërsi 126:121.
U desh që të zhvillohej loja shtesë për të parë fituesin në ndeshjen e mbrëmshme, pasi koha e rregullt përfundoi 112:112.
James Harden ishte fantastik në këtë sfidë për Rockets duke shënuar 39 pikë, pati gjashtë asistime e tetë kërcime.
Me lojë të mirë te vendasit u dallua edhe Eric Gordon që shënoi 30 pikë, ndërsa Chris Paul shtoi 14 të tjera dhe shtatë asistime.
Kevin Durant ishte fantastik në ndeshjen e mbrëmshme për Warriors duke shënuar 45 pikë, pati gjashtë asistime e tre kërcime.
Ndërsa Draymond Green arriti Triple Double me 19 pikë, 10 asistime e 11 kërcime por që nuk mjaftuan për fitore.
Kësisoj Rockets kanë ngushtuar rezultatin në 1-2 ku shpresojnë të bëjnë një rikthim të madh.
Edhe ndeshja e katërt do të zhvillohet në Toyota Center të Houstonit. /Telegrafi/