Real Madridi ka shfaqur interesim për Bernardo Silvan e Manchester City.
Qëllimi i Los Blancos është të nënshkruajë me një mesfushor me tipare sulmuese, emri i Eden Hazard vazhdon të jetë në krye të listës, por nuk është e lehtë të transferohet belgu nga Chelsea.
Alternativ është edhe Christian Eriksen i Tottenhamit, por për danezin nuk ka pasur ndonjë interesim të madh.
Por, së fundi sipas Daily Mirror, listës i është shtuar edhe Silva i Cityt, për të cilin interesimi nga Madridi është serzios.
Portugezi është një nga më të mirët në skuadrën e Pep Guardiolas, ai shquhet për vizionin e lojës, por edhe si një lojtar që nuk ndalet së vrapuari.
24-vjeçari në 26 ndeshje këtë sezon në të gjitha garat ka shënuar shtatë gola.
Lojtari iu bashkua klubit anglez nga Monaco në verën e 2017 për 50 milionë euro. /Telegrafi/