Raportohet se Real Madridi ka rikthyer interesimin për David de Gean dhe dëshiron të transferojë atë në afatin kalimtar veror.
Sipas asaj që raporton The Sun, Los Blancos janë të gatshëm të ofrojnë 80 milionë euro për transferimin e 29-vjeçarit nga Manchester United.
Gjiganti i La Liga-s ka kohë që e admiron De Gean, mirëpo Djajtë e Kuq kanë refuzuar të shesin atë edhe pse në vitin 2015 ishte shumë afër të zbarkonte në Santiago Bernabeu.
De Gea ka lindur në Madrid, gjersa karrierën e ka filluar te rivali i përbetuar i Realit, Atletico para se të kalonte në vitin 2011 në Old Trafford.
Që nga atëherë, ai ka arritur të bëhet njëri dnër portierët më të mirë në botë, mirëpo në këto vitet e fundit nuk është në elementin e tij.
Thibaut Courtois thuhet se nuk po pëlqehet nga Zinedine Zidane, derisa në radarin e tyre vazhdon të jetë edhe Kepa Arrizabalaga që po ashtu nuk po pëlqehet nga Frank Lampard. /Telegrafi/