Agjenti i njohur i futbollistëve, Mino Raiola është gati të transferojë portierin e Milanit, Gianluigi Donnarumman në Paris Saint-Germain këtë verë.
Portieri i talentuar italian ishte afër largimit nga San Siro në verën e vitit të kaluar, por në fund u arrit një marrëveshje dhe u nënshkrua një kontratë e re.
Në kontratën e re thuhet se ekziston një marrëveshje që në rast dështimi që Milani të kualifikohet në Ligën e Kampionëve për sezonin e ardhshëm atëherë Donnarumma mund të largohet për një klauzolë të vendosur.
Por, e ardhmja e portierit të Milanit mbetet ende e turbullt në mes të kërkesave të Raiolas, i cili kërkon të anulojë kontratën e tij lidhur me pretendimet që u nënshkrua nën detyrim verën e kaluar.
Sipas mediumit italian Calciomercato.com, Raiola është në kontakt të vazhdueshëm me gjigantin francez, PSG, dhe favorizon dërgimin e Donnarummas në Paris në fund të sezonit.
Donnarumma kërkohet gjithashtu nga Bayern Munich dhe Real Madrid, por Raiola do të preferonte që klienti i tij i talentuar të shkojnë në PSG.
Nga ana e tyre, PSG janë në treg për një numër 1 të ri, ku drejtori sportiv Antero Henrique inkurajohet të gjejë një portier të ri që ai të nënshkruhet nga presidenti Nasser Al-Khelaifi për sezonin e ardhshëm.
Çmimi i portierit italian në rast largimi nga Rossonerët mendohet të jetë së paku 50 milionë euro. /Telegrafi/