Një qenush me një bisht të dytë të dukshëm që i rritet nga koka e tij është përshkruar si një "anomali e vogël që është absolutisht e përsosur".
Sipas mediave të huaja, përcjell Telegrafi, qeni 10 javësh u mor nga Misioni i Mac - një operacion shpëtimi, i specializuar në ndihmën e qenve me nevoja të veçanta - pasi u gjet duke u endur nëpër rrugë.
"Është gjëja më magjike që keni parë ndonjëherë, dhe aq e lumtur", i tha agjencisë së lajmeve PA, Rochelle Steffen, themeluese e qendrës së shpëtimit me qendër në Missouri.
"Të gjithë duan ta shohin atë. Kam pasur kaq shumë vullnetarë që kanë arritur dhe kam thënë 'hej, a mund të luajmë me Narwhal?' Dhe tani është bërë një kafshë me të cilën njerëzit duan të bëjnë edhe selfie me të sepse ai është thjesht aq i bukur".
Narwhal vizitoi veterinerin të martën, ku rrezet X treguan se nuk kishte eshtra në "bishtin tjetër", dhe se nuk bëhej fjalë për ndonjë problem rreth shëndetit. /Telegrafi/