Anësori sulmues i Sassuolos, Matteo Politano, do të preferonte një transferim veror në Inter, raportojnë mediat italiane.
24-vjeçari italian ishte afër transferimit në Napoli në afatin kalimtar të janarit, por lëvizja nuk u materializua vetëm në minutën e fundit.
Napoli thuhet se ende është i interesuar në Politanon, ashtu siç janë edhe Milani, por në Itali thonë se tjetër kush tani po e udhëheq garën.
Sipas mediumit italian Gazzetta Sportiva, gjiganti italian, Interi tani është në pozitën kryesuese në garë për shërbimet e yllit të Sassuolos.
Është vet trajneri Luciano Spalletti, i cili po shtyn për të sjellë italianin e talentuar në Giussepe Meazza.
Edhe Politano gjithashtu ka shprehur preferencën e tij për Nerazzurët dhe pëlqen transferimin tek gjigantët italian.
Sidoqoftë, para se të bëhet ndonjë lëvizje, Interi duhet të fitojë 35-40 milionë euro duke shitur lojtarë, nëse ata duan të përmbushin detyrimet financiare të Fair Play-t.
Interesim për Politanon kanë shprehur edhe dy skuadrat tjera të mëdha italiane, Juventusi dhe Roma. /Telegrafi/