Plagoset me armë zjarri një 42-vjeçar në Tiranë
13/01/2021
Një plagosje me armë zjarri ka ndodhur mëngjesin e sotëm në Tiranë.
Sipas informacioneve të para ngjarja ka ndodhur tek ish-parku i autobusëve, ndërsa në konflikt janë përfshirë disa persona.
I plagosuri është një 42-vjeçar dhe ka marrë një plumb në këmbë. Po ashtu, është dëmtuar me sende të forta edhe roja i një objekti.
Ka dyshime që ngjarja të ketë ardhur si pasojë e një konflikti të çastit mes një ndërtuesi dhe disa personave të tjerë. /TCH/