Pas fitores dramatike në Wembley të Anthony Joshuas ndaj Wladimir Klitschkos, mediat kanë filluar të bëjnë kalkulimet e para se kush do të jetë kundërshtari i radhës i 27-vjeçarit.
Britaniku e mbylli meçin para kohe ndaj ukrainasit, duke e detyruar gjyqtarin të ndal luftën pasi në rundin e 11-të kishte rrëzuar dy herë Klitschkon dhe kështu ainuk ishte në gjende të vazhdojë.
Bota e boksit tashmë është në duart e ‘AJ’, çdo gjë sillet rreth tij pasi ai është pronari i tre titujve IBO, IBF dhe WBA për pesha të rënda, transmeton Telegrafi.
Por, kush do të jetë boksieri i fatlum, i guximshëm, por edhe budalla, që të hyjë në ring me Joshuan? E themi këtë se ndaj britanikut mund të fitosh, por shanset më të mëdha janë që të humbasësh gjithçka dhe të dalësh kokë ulur.
Më poshtë keni pesë kundërshtarët e mundshëm: Wladimir Klitschko (rimeç)
Deontay Wilder
Joseph Parker
Luis Ortiz
Tyson Fury