Interi ka refuzuar ofertën e Bayern Munchen prej 12 milionë euro për të blerë Ivan Perisic, por përdorimi i tij si shkëmbim i pjesshëm për Tanguy Ndombele nuk shkoi mirë me Tottenham Hotspur.
Sipas mediumit italian Calciomercato.com, fituesit e Ligës së Kampionëve duan të mbajnë nën kontroll Perisic pas huazimit mbresëlënës në sezonin e fundit.
Ky huazim i kushtoi pesë milionë euro dhe kishte një mundësi blerje që u lejua të skadonte, sepse Bayern po përpiqej ta ri-negocionte një tarifë më të ulët.
Propozimi fillestar prej 12 milionë eurosh u refuzua, pasi Interi po kërkon të paktën 15 milionë euro.
Ndërkohë, i njëjti burim raporton gjithashtu se Perisic iu ofrua Tottenham Hotspur si pjesë e ofertës së tyre për shërbimet e mesfushorit Ndombele.
Sidoqoftë, Spurs ishin jo entuziastë, duke preferuar që në vend të kësaj të kërkojnë Milan Skriniar. /Telegrafi/