Sulmuesi i Tottenham Hotspur, Harry Kane këmbëngul se klubi nuk është i etur për nënshkrime të reja gjatë afatit kalimtar të janarit.
Spurs e hodhi poshtë Manchester Cityn nga vendin e dytë në Ligën Premier me një fitore mahnitëse 5-0 ndaj Bournemouth në Wembley në Boxing Day.
Ky sukses i Spurs vjen pa nënshkruar asnjë lojtar të vetëm në verë, gjë e cila u pa me habi nga njerëzit e futbollit.
Megjithatë, trajneri Mauricio Pochettino dhe tani edhe Kane thonë se nuk janë të etur për të nënshkruar lojtarë as gjatë janarit.
"Ndonjëherë nëse nuk mund të gjesh lojtarin e duhur nuk ka nevojë të blesh një lojtar", ka thënë fillimisht Kane për ESPN.
"Kjo është padyshim filozofia e trajnerit të klubit dhe ky ishte mendimi i tij [në verë]".
"Ai besonte në skuadrën që kishte dhe ne jemi duke bërë mirë deri më tani".
"Ne do të shohim se çfarë ndodh në afatin e transferimeve të janarit. Nëse ai do të blejë dikë, atëherë unë jam i sigurt se do të vazhdojmë të bëjmë atë që po bëjmë", përfundoi anglezi. /Telegrafi/