Oriz me perime
21/01/2018
Kur vjen puna tek pjatat e thjeshta dhe të shijshme, shumicës i shkon mendja tek orizi.
E pëlqyeshme dhe e dëshirueshme në tavolinë, kjo është receta që ju propozojmë sot.
Nevojiten:▪ 200 g misër, ▪ 200 g bizele, ▪ 2 karota, ▪ 200 g oriz, ▪ spec i kuq, ▪ kripë, ▪ piper, ▪ një degë kanelle, ▪ vaj, ▪ qepë.Përgatitja:
Priteni karotën në kube dhe qiteni në tenxhere me ujë të valuar.
Pas pesë minutash shtoni misrin e ngrirë dhe bizelen, degën e kanellës dhe zieni 15 minuta.
Derisa perimet të zihen, në një tenxhere tjetër zieni orizin.
Në vajin e ngrohur fërgoni qepën, shtoni orizin e zier, perimet e kulluara, specin e prerë përsëgjati, kripën dhe piperin dhe të gjitha përzieni mirë, transmeton Telegrafi.