Niset në Itali me djalin, partnerja i bën dedikimin prekës Shpatit: Do doja më shumë se gjithçka tjetër të kisha edhe biletën tënde

Selvije Jao duket se është nisur për në Itali, aty ku edhe po bënin kurimin e djalit.

E vetëm tre javë më parë, në momentin që vdiq Shpat Kasapi, ndodhej atje bashkë me familje.

Derisa po vazhdon jetën e gjërat e saj, ajo i ka bërë një dedikim bashkëshortit tashmë të ndjerë.

"Sot do doja më shumë se gjithçka të kisha edhe biletën tënde në dorë", u shpreh ajo.

Ndarja nga jeta e Shpatit ka lënë një boshllëk të madh për të, duke qenë se tani përkujdeset e vetme për djalin trevjeçar.

Shpati ndërroi jetë në fund të nëntorit në moshën 40-vjeçare si pasojë e një sulmi në zemër.

Vdekja e tij e papritur ka tronditur komunitetin artistik, ndonëse ka lënë pas një bagazh të madh. /Telegrafi/