17/09/2021
Shërbimi Spitalor Klinik dhe Universitar i Kosovës ka njoftuar se në Klinikën e Radiologjisë të QKUK-së, është realizuar për herë të parë Rezonanca Magnetike e tërë trupit.
Në njoftim thuhet se nevojat e popullatës për këtë incizim shumë të shtrenjtë janë ekstremisht të mëdha.
"Kompletimi i programeve softuerike, trajnimi i personelit dhe organizimi i shërbimeve tjera, mundësuan që të bëhet ky incizim i avancuar. Nevojat e popullatës dhe të klinicistëve për këtë incizim shumë të shtrenjtë, janë ekstremisht të mëdha dhe në të ardhmen planifikohet organizimi adekuat i këtij shërbimi për pacientët", thuhet në njoftim. /Telegrafi/
