Misovski udhëheq delegacionin në Meçkin Kamen
01/08/2020
Delegacioni i Kuvendit të Maqedonisë së Veriut do të shënojë 2 gushtin - Ditën e Republikës, në Meçkin Kamen në Krushevë, ndërsa delegacionin do ta udhëheq nënkryetari i Kuvendit, Goran Misovski.
"Kryetari i Kuvendit, Talat Xhaferi është në gjendje të mirë shëndetësore, por me rekomandim të mjekëve se atij i duhet pushim shtesë", thonë nga shërbimi kuvendar për shtyp.
Ndryshe, xhaferi më 24 korrik u hospitaliza në Klinikën Infektive me simptoma të coronavirusit, por në testime ka rezultuar negativ./Telegrafi/