Milan njoftohet se ka rënë dakord me Luis Camposin, drejtorin sportiv të Lilles, cili do ta zëvendësojë Leonardon.
Sipas “Gazzetta dello Sport”, një marrëveshje mes kuqezinjve dhe Camposit u arrit pak ditë më parë.
“Gazzetta” shton se një tjetër takim do të zhvillohet javën e ardhshme, ku Rossonerët do ta formalizojnë marrëveshjen mes tyre.
Portugezi ishte angazhuar në ringjalljen e klubit të Lilles si një fuqi në Ligue 1 këtë sezon dhe kjo u arrit në fund, ku skuadra franceze një xhiro para përfundimit të ligës elitare franceze zë pozitën e dytë.
“La Gazzetta” gjithashtu e konsideron atë “mbretin e fitimeve kapitale” pasi ndihmoi Monacon të ketë të ardhura të majme nga shitja e Thomas Lemarit, Fabinhos dhe Tiemoue Bakayokos.
Sa i përket Leonardos, pritet që të largohet nga San Siro pas ndeshjes së fundit në Serie A kundër SPAL-it, e cila do të zhvillohet gjatë së dieles. /Telegrafi/