Në një mesazh të publikuar në ueb-faqen e Shtëpisë së Bardhë, Zonja e Parë e SHBA-së, Melania Trump tha testimi i ri ka rezultuar negativi për coronavirusin.
Por djali i saj, Barron, 14 vjeç, doli pozitiv sa i përket pandemisë së njohur më mirë si COVID-19.
"Natyrisht, mendja ime shkoi menjëherë tek djali ynë", shkruan ajo pas diagnozës së saj dhe presidentit, Donald Trump, raporton CNN.
Barron fillimisht doli negativ, por sërish u testua dhe doli pozitiv. Ajo tha se Barron nuk kishte "asnjë simptomë", transmeton Telegrafi.
Sa i përket simptomave të saj, ajo tha se ato ishin "minimale, megjithëse më goditën të gjitha menjëherë". Zonja e Parë tha se kishte dhimbje trupi, kollë, dhimbje koke dhe ishte jashtëzakonisht e lodhur.
Ajo gjithashtu përshkroi planin e saj të trajtimit, duke thënë "Unë zgjodha të shkoj në një rrugë më natyrale për sa i përket mjekësisë, duke zgjedhur më shumë vitaminat dhe ushqimin e shëndetshëm. Ne kishim kujdestarë të mrekullueshëm përreth nesh dhe do të jemi përgjithmonë mirënjohës për kujdesin mjekësor dhe diskrecionin profesional që e morëm nga Dr. Conley dhe ekipi i tij. Për stafin mjekësor dhe personelin e qëndrimit që janë kujdesur për familjen tonë - faleminderit nuk thotë sa duhet", pohoi Melania.
Ndryshe, Donald Trump kishte deklaruar se e kaluar coronavirusin, por një gjë të tillë nuk e kanë mjekët e presidenti amerikan. /Telegrafi/