Chelsea është duke kaluar një nga sezonet më të këqija në histori të tyre, me humbjen e së shtunës në Ligën Premier ndaj Brighton vetëm duke shtuar vështirësitë e tyre.
Por, një dritë që u duk në fund të tunelit, ishte performanca e Mykhailo Mudryk, teksa 22-vjeçari tregoi ritmin e tij të rrufeshëm dhe aftësinë e driblimit kundër Joel Veltman.
Megjithatë, kjo ishte një dritë shumë e vogël në fund të një tuneli shumë të gjatë, pasi vizitorët dominuan plotësisht skuadrën e Frank Lampard.
Cucurella nuk e pëlqen 100 milionëshin e Chelseat: Dhjetëra rastet kur spanjolli nuk pasoi te Mudryk
Mikpritësit kaluan në epërsi falë një goditjeje të devijuar nga Conor Gallagher, por një goditje me kokë nga Danny Welbeck dhe një goditje e bujshme nga i riu Julio Enciso e vendosën Brightonin përpara.
Nuk ishte më pak se sa meritonte skuadra e Roberto De Zerbit, me Pulëbardhat që patën 26 goditje në krahasim me tetë të Chelseat.
Por, një arsye që fansat të jenë optimistë për të ardhmen erdhi nga nënshkrimi i janarit, Mudryk.
Pas një paraqitje mbresëlënëse kundër Liverpoolit në debutimin e tij, ukrainasi ka treguar pamje cilësore, duke përfshirë ditën e djeshme kur një vrapim i shpejtë u pëlqeu tifozëve Blu.
Mund të jetë vetëm një moment brenda asaj që në përgjithësi ishte një lojë e dobët për blutë, por Mudryk mund të terrorizojë mbrojtjen dhe të jetë një lojtar kyç sezonin e ardhshëm.
Chelsea është duke shpresuar që të bëjë mrekulli dhe të përmbysë epërsinë e Real Madridit prej dy golash të martën e javës së ardhshme në Ligën e Kampionëve, duke u mbështetur me gjasë te ukrainasi – për të tentuar kalimin në gjysmëfinale. /Telegrafi/
https://twitter.com/FootyLover3/status/1647559233615933440?ref_src=twsrc%5Etfw%7Ctwcamp%5Etweetembed%7Ctwterm%5E1647559233615933440%7Ctwgr%5Eb4b06b05764b616afa56056f33d1d5e7b71153c1%7Ctwcon%5Es1_&ref_url=https%3A%2F%2Fwww.givemesport.com%2Fchelseas-mykhailo-mudryk-shows-terrifying-pace-vs-joel-veltman-and-brighton%2F