Neymar është vënë në qendër të kritikave të analistëve dhe trajnerëve të futbollit.
Braziliani po akuzohet se po e tepron me simulimet në ndeshjet e botërorit edhe në rastet kur po ka ndërhyrje të vogla.
Brazilianit i kishte ndodhur në ndeshjen me Zvicrën, kur në disa raste në dyluftime me Valon Behramin, ankohej për ndërhyrje të rënda.
E njëjta gjë ndodhi edhe në takimin e fundit me Meksikën, e cila gjë ka shkaktuar zemërimin e shumëkujt, të cilët e cilësuan si aktor i përkryer për Hollywood.
Por, të gjitha këto i ka hedhur poshtë protagonisti duke thënë se nuk po aktron aspak dhe se po ndien me të vërtetë dhimbje.
"Shumë e thjeshtë, ndiej dhimbje. Nuk simuloj", ka thënë 26-vjeçari duke shtuar se "Është e komplikuar, nuk është diçka që mund ta kontrolloj".
Ndryshe, Brazili në çerekfinale do të takohet me Belgjikën gjatë ditës së premte (6 korrik). /Telegrafi/