08/12/2022
Kantautori dhe këngëtari nga Shqipëria, Alban Skënderaj, ka publikuar një tjetër këngë të re.
Bëhet fjalë për projektin e titulluar “Mbretër pa kurorë”, që po ashtu e ka shoqëruar me një video.
Teksti dhe muzika është bërë nga vet artisti me producim të Lorenc Aliajt.
Kjo vjen tri ditë pas “Festoj”, të cilën e solli të kompletuar edhe me videoklip.
Këto duket se janë prurjet e fundit të Skënderajt për të përmbyllur këtë vit të suksesshëm.
Ai vazhdon të jetë një prej artistëve të preferuar të publikut meqenëse i ka qëndruar besnik stili të tij muzikor që nga fillimi i karrierës.
Krahas kësaj, Albani është gjithashtu shumë i angazhuar edhe me mbrëmje e koncerte. /Telegrafi/