Marrëveshja ndryshon Kushtetutën e Serbisë

Marrëveshja ndërmjet Kosovës dhe Serbisë ka hapur edhe çështjen se a është hapi i radhës ndryshimi i Kushtetutës, raporton Tanjug.

Sipas agjencisë serbe të lajmeve, mundësinë e ndryshimit të kushtetutës e ka paralajmëruar edhe Qeveria, por thekson se për një hap të tillë duhet konsensusi i shumicë qeverisëse dhe partive opozitare.

Ndryshimin e Kushtetutës mund ta kërkojë Qeveria, presidenti ose së paku 150.000 qytetarë, mirëpo për votim duhen 2/3 e deputetëve.

A janë pjekur kushtet që pas tetë vjetësh të ndryshohet Kushtetuta e Serbisë? Arritja e marrëveshje me Prishtinën, por edhe adoptimi i ligjeve me Bashkimin Evropian janë vetëm disa nga arsyet për shkak të cilave gjithnjë e më shpesh qeveria po paralajmëron ndryshime të caktuara në Kushtetutë.

Kryetari i komisionit për çështje Kushtetuese në Kuvendin e Serbisë, Vladimir Cvijan sqaron se cilat janë zgjidhjet e mundshme për implementimin e marrëveshjes së Brukselit.

“Kushtetuta parasheh edhe dy gjëra, për autonominë e gjerë të Kosovës miratohet ligj i veçantë dhe për të duhet të votoj shumica, si dhe miratimi i ligjit kushtetues për implementimin e Kushtetutës së re”, ka thënë Cvijan, transmeton ORAinfo. /Telegrafi/