Lele Pons pati një moment kaotik gjatë zbulimit të gjinisë së fëmijës së saj të parë me bashkëshortin Guaynaa.
Ylli 28-vjeçar i YouTube organizoi një ceremoni festive ku pas një numërimi mbrapsht, pompat lëshuan lëng rozë, duke zbuluar se po presin një vajzë.
Gjatë entuziazmit, Lele rrëshqiti dhe u rrëzua dy herë për shkak të lëngut në skenë, por fatmirësisht nuk u dëmtua dhe arriti të mbrojë barkun e saj.
Bashkëshorti i saj, Guaynaa, nxitoi menjëherë për ta ndihmuar, ndërsa çifti vazhdoi festën me të qeshura dhe përqafime.
Ngjarja u shoqërua me të ftuar të famshëm si Anitta, DJ Khaled, Ricky Montaner dhe Chayanne.
Pas zbulimit, Lele dhe Guaynaa festuan me muzikë dhe kuzhinë nga vendet e tyre të origjinës, Venezuela dhe Porto Riko.
Çifti, që u njoh përmes një bashkëpunimi muzikor në vitin 2020, u martua në mars 2023 në Miami dhe së shpejti do të mirëpresin vogëlushen e tyre. /Telegrafi/
