Kurti ngushëllon familjet e viktimave të sulmit në shkollën e Grazit
10/06/2025
Kryeministri në detyrë, Albin Kurti, u ka shprehur ngushëllime familjeve të viktimave të sulmit të armatosur që ndodhi në një shkollë në Graz të Austrisë, ku mbetën të vrarë 10 persona, në mesine t yre edhe një vajzë nga Kosova.
Përmes një postimi në rrjetin social X, Kurti u shpreh i pikëlluar për këtë ngjarje tragjike.
“Jemi thellësisht të pikëlluar nga sulmi tragjik në shkollën në Graz,” shkroi ai.
“Të gjithë e kanë të drejtën themelore për siguri dhe për një mjedis ku mund të mësojnë pa frikë dhe kërcënim,” shtoi Kurti.
Në fund, Kurti tha se në emër të popullit dhe qeverisë së Kosovës, u shpreh ngushëllimet më të sinqerta familjeve të prekura dhe solidaritetin me popullin e Austrisë.