Kthjellime dhe rritje temperaturash në Shqipëri
24/09/2022
Fundjava në Shqipëri do të jetë me mot të kthjellët, por nuk do të mungojnë disa kalime vranësirash, sidomos në zonat malore.
Temperaturat e ajrit do të rriten në mëngjes dhe në mesditë duke luhatur vlerat ditore nga 5 gradë Celsius deri në 25 gradë Celsius.
Era do të fryjë e lehtë në tokë dhe mesatare në det me shpejtësi 30 km/h kryesisht nga drejtimi jugperëndimor duke krijuar dallgëzim mbi 2 ballë.
Në tre ditët në vijim, sipas MeteoAlb, do të ketë rritje temperaturash, ndërsa nga fillimi i javës që vjen do të rikthehen reshjet e shiut. /Telegrafi/