Kritika të mëdha për produktet e Jessica Alba

Gjatë javëve të fundit, kremi kundër diellit që kompania e aktores Jessica Alba, Honest, ka hedhur në treg është cilësuar si joefektiv, pasi shumë njerëz kanë raportuar djegie nga dielli.

Përgjithësisht produktet e bukurisë së Honest shpesh janë lavdëruar për përmbajtjen e tyre organike, por duket se kremi me bazë mineralesh nuk është në lartësinë e produkteve të tjera të kompanisë së aktores së shndërruar në sipërmarrëse.

Honest-in Alba e krijoi gjatë kohës kur ishte shtatzënë me fëmijën e parë, pasi pa se në treg produktet organike për bebet ishin shumë të shtrenjta. Sot kompania vlerësohet mbi 1 miliard dollarë duke renditur bashkëthemeluesen e saj ndër gratë më të fuqishme të biznesit në Amerikë.

Alba dhe Honest ende nuk kanë nxjerrë një deklaratë lidhur me kritikat. /Telegrafi/