Carlo Ancelotti pritet të largohet nga pozita e tij si trajner i Real Madridit, me Brazilin që pritet të jetë destinacioni i tij i ardhshëm.
Tekniku italian ka disa opsionë në dispozicion, ku përfshihet edhe qëndrimi në Madrid në një rol tjetër, por preference e tij është që t’i bashkohet Brazilit, të cilët janë në kërkim të një përzgjedhësi të ri pas shkarkimit të Dorival Junior.
Ancelotti e kishte bërë publike se ai do të largohej nga Real Madridi vetëm në rast se bordi i klubit vendos të ndajë rrugët me të, ani pse Brazili është në bisedime të avancuara me 65-vjeçarin.
Brazili është i etur që të emërojë përzgjedhësin e ri para pushimit të ardhshëm me kombëtare, kur ata do të nisin kampanjën e tyre kualifikuese për Botërorin e vitit 2026.
Madridi duhet ta qartësojë situatën e tyre menaxheriale para përfshirjes së tyre në formatin e ri të zgjeruar të Kupës së Botës për Klube, e cila do të nis me 14 qershor.
Kampioni spanjoll parashikohej që të uleshin në tavolinën e bisedimeve me Ancelottin për të diskutuar të ardhmen e tij pas finales së Kupës së Mbretit ndaj Barcelonës më 26 prill.
Real Madridi ‘arrin marrëveshje’ për yllin e Arsenalit pak ditë pas eliminimit nga Liga e Kampionëve
‘Los Blancos’ tashmë kanë identifikuar Xabi Alonson si kandidatin e tyre favorit për të zëvendësuar italianin në fund të sezonit.
Real Madridi u eliminua nga Liga e Kampionëve më herët këtë javë, por mbetet në gjueti për dy trofe: La Ligan dhe Kupën e Mbretit./Telegrafi/