Benjamin Kololli vazhdon me gola për skuadrën e Zurichut në Superligën e Zvicrës.
Ylli i Përfaqësueses së Kosovës shënoi dy herë në barazimit 2-2 ndaj Thunit.
Fillimisht 26-vjeçari shënoi në minutën e 40-të duke barazuar rezultatin në 1-1, ndërsa nga pika e bardhë shënoi në kohën shtesë për rezultatin 2-2.
Kololli tani numëron tetë gola në kampionat dhe gjithashtu ka edhe pesë asistime. Pas këtij barazimi Zurich renditet në pozitën e gjashtë me 30 pikë, kurse Thun në vendin e tretë 37-pikë.
Për skuadrën e Kolollit luajti nga minuta e parë edhe ylli tjetër i Përfaqësueses së Kosovës, Hekuran Kryeziu, ndërsa Mirlind Kyreziu ishte në bankën rezervë.
Vlen të theksohet se në pjesën e dytë për mysafirët u inkuadrua edhe shqiptari Lavdim Zumberi, i cili aktualisht luan për Përfaqësuesen e Zvicrës U20. Për të shikuar golat klikoni KËTU. /Telegrafi/