Katër të vdekur, pasi një aeroplan rrëzohet në një zonë të banuar në Kaliforni (Video)
28/02/2017
Katër vetë gjetën vdekjen dhe dy të tjerë janë në gjendje kritike, pasi një aeroplan i vogël u rrëzua mbi shtëpitë në Kaliforni, të hënën pasdite, shkruajnë mediat e huaja, përcjell Telegrafi.
Po sipas medieve të huaja, dy shtëpi janë shkatërruar kur aeroplani u rrëzua në Riverside rreth 04:45 të darkës.
Aeroplani, i identifikuar nga Administrata Federale e Aviacionit si Cessna 310, ishte duke fluturuar drejt San Jose.
Bëhet e ditur se aeroplani u rrëzua në një lagje të banuar menjëherë pas ngritjes nga aeroporti lokal i Riverside. /Telegrafi/