Kalim i paautorizuar i kufirit, në një veturë gjenden tetë bidonë me mjaltë në Jarinje

Gjatë patrullimit është ndaluar një veturë të cilën e drejtonte i dyshuari kosovar nën dyshimin se ka kryer veprën “Kalim i paautorizuar i kufirit”.

Sipas raportit 24 orësh të Policisë së Kosovës bëhet e ditur se ngjarja ka ndodhur të enjten rreth orës 06:40 në fshatin Jarinje të Leposaviqit.

Tutje bëhet e ditur se gjatë kontrollit, në veturë janë gjetur 8 bidonë me mjaltë, të cilat janë dërguar në terminal doganor për procedura të mëtutjeshme, ndërsa i dyshuari në konsultim me prokurorin, është liruar në procedurë të rregullt. /Telegrafi/